السلام عليكم ورحمة الله وبركاته
كيفكمو كوولكم وايش اخبااركم ان شاء الله تماام
كنت ملخبطه وتفساانه مرره واتصفح النت الالقيت نفسي على هدا المنتدى وعجبني وخااصه فكرة هالقسم لأنوو جاء لحدي بوقته
خليناا نخووش ع الموضوع من الآخر لأنو حاالتي ماتسمحلي انمق كلام واسمحولي اخد رااحتي معاكم واحس نفسي اخت لكم
انا جيت بعرف وافضفض لكم عن موضوعي انا طالبه بآخر سنه درااسيه بالمدرسه ومن عيله محافظه لدرجة التشدد نوعاً ما في بعض الأمور الموهم المشكله مو هناا!!
المشكله انوو انا كنت كمان نوعا ما محافظه بس في السنه هاادي بديت شوي شوي ادخل على عاالم مو عالمي ورااح اضيع فيه ادا مامشيت وراى اهل الخبره ولي هماا صحباااتي الي تعرفت عليهم بهالسنه وحكااتي طوويله معاهم ادا تبغووا انزلكم كل احداثنا بدقايق والله اسويلكم رواايه مشووقه مليئه بالأحداااث الغريبه
بس انا جيت بعرض لكم مشكله وحده ولي هي بعد دخوولي بهالعالم سار اني حبيت شخص من الشاات الحكاايه في البدايه ماكانت كبيره بقد كدا يعني كان هرجنا عاادي وسطحي بس بعد فتره سرت احس فيه وبدا هوا يصرحلي بحبه وانا اتغافل عنه واحااول قد مااقدر مااخد ولا اعطي معاه بالهرجه وبس بعد فتره مو طوويله طاح الفاس برااس وحبيته وياليتني ماحبيته وبداا يقولي انا ابغاكي بالحلال مو بالحراام لاتسكري الباب بوجهي وحراام نهدم حبنا بيدنا ومن دا الهرج وبس في صوت يقولي فعلاً انتوو تحبوا بعض ايش الي يمنع اني اكمل معاه ونجاازف ونغاامر الين نبقى طول العمر مع بعض وصوت تااني وهوا صووت اعلى يقولي لاتكملي دا كوولو اوهام بس وبعدين صوت المشااعر سيطر على صوت العقل ولنا مع بعض 10 شهور تقريبا وكل يووم يزيد حوبي وهنا حسيت بكبر الشي الي مسويته والا الأن متوقف الموضوع كيف نصاارح اهالينا بدا الموضوع وهو خاايف اروح عليه لأنوو هو يدرس لسى ماخلص لأنو اتوقف كم سنه وبقى يشتغل ومااخفي عليكم الي شربك القصه زيااده اتقدملي شخص قريبي ونا ماارديتله بسبب دا الموضوع واحس كوول حيااتي متوقفه عند دا الشي مو عاارفه اسوي شيء حتى درااستي وتدوور وتتكرر دووم على باالي اسئله!!
هو صح صاادق معايا بمشااعروو,وارتباطه؟
لوو صدق واخذته رااح تنجح علاقتنا؟
ايش اسوي مع قريبي ارفضه ولا اوافق عليه لأنو شخص ماينرد واترك قلبي مع شخص تااني؟!!
احس الموضوع كله مهزله واني غلطت بس انا اتكلم عن الموضوع بعد الغلطه ابغى حل اناا احبوو والقلب يهوى ومو بيد الشخصالتحكم بمشااعرو ومرره خاايفه من ردة فعل اهلي لو عرفوا شي
الله يسعــدكم لاتحرمووني آرائكم اوقفوا معايا ماالي احد اشكيله واصرحله بدا المضوع!!
وجزيتم خيراً.. استنى ردودكم
E7SaS