ازيكم ياحلوييييين ,,
وحشتوني في دا القسم ..
من زمان مانزلت موضوع ..
طبعا حنتابع معاكم موضوعي
عمل ايديا وحياة عينيا ..
وراح أضيف شي ::
اللي تسوي اي طبخة من طبخاتي كتطبيق ..
راح اعملها gift طبعا وينحط في توقيعها او في موضوع خاص لها ..هادا بعد ازن
ايمو جيرل طبعا
طبعن دا كله مو عشاني عشان البنات يسير لهم خبرة في الطبخ
الصغار
قبل الكبار ,,
ساااامعين ..
يلا وروني شطارتكم ...
ارجع لموضوعي ..
اليوم طبختي طبخة طازة فريش توي متغديتها ..
اسمها
مكرونة بالجمبري ..مررررة سهله ومرة طعمة ..
اقلكم تعليقاتهم أول :
قولوا ماشاء الله ..بابا قال تسلم يدك تستاهلي عليها بوسة ..
وماما قالتلي : من كتر ماهي لزيزة ماشاء الله ماتقدري تسيبيها حتى لو شبعتي ..
ياعمري أنا والباقي تعليقاتهم بعدين
المهم نبدأ :
المقادير :
[
هادي صورة لهم مجتمعين ..
أولا 2 حبة فلفل رومي مقطع صغير ..
توم مقطع كمان صغير (أنا بشرته بالبشارة )
والمكرونة طبعا
والجمبري اللي انغشيت فيه
هادا الكيس قبل ماافتحه شوفوا كبير
ودا بعد مافتحته وغسلته شوفو قد ايه
..
وشوية معجون طماطم..
وطبعا شوية زيت زيتون وملح وفلفل ابيض او اسود وشوية ملح ليمون او ليمون
وانا حطيت ابزار خاص اسمه كاري حار من شركة اسناد اللي تبغا تشوفوه تقلي انزل الصورة ..
يلا الطريقة ..
أول شي تسلقي المكرونة طبعا انا ماصورتها لانها سهله
عادي حطي موية وشوية زيت وملح وخلي الموية تفور وحطي بعدها
المكرونة ..
وانتبهي عليها ..أما خلطة الجمبري :
اول شي نحط زيت الزيتون في القدر ..
ونحط الثوم وملعقتين او تلاتة معجون طماطم ..
ونقلبهم لمدة دقيقتين ..
وبعدها نضيف الفلفل الرومي المقطع طبعن
ونقلبه ونخليها شوية ..
وبعدها نضيف الجمبري ..
ونقلبها ..
ونحط معاها ملعقة من الكاري (الخلطة حقت إسناد )
وشوية ملح وملح ليمون وفلفل أبيض ..
عاد كل وحدة وزوقها
انا مثلا احبها مرررة متبلة فزدت التوابل شوية ..
المهم في دي الأثناء طبعن المكرونة خلاس اتسلقت ..
وهادي صورتها ..
بس خلاص خليكي مع خلطة الجمبري لين تحسي انوا استوت وتتبيلتها جيدة ..
وبعدين ياحبيباتي ..
حطي الخلطه على المكرونة وقلبيها كلها ..
وخلي النار مفتوحة تحت القدر عشان تسخن ..
وقلبيها مرة كويس ودوقيها ناقصها شي ولا لأ ..
معليش ماصورت الخطوة دي عشان كانت مستعجلة ..
بس خليها تسخن شوية ..
ورشي عليها شوية بقدونس وعصرة ليمون ..
وقدميها ..
وهادا صحني ..
وسلامتكم ..
واي استفسار أنا جاهزة
الموضوع من تجهيزي الشخصي ومااسامح اللي تنقلو لمنتدى تاني من غير علمي ..
والله على مااقول شهيد ..