اليوم جايبتلكم رجيم رهييييييييييييييييييب
واللي نفسها تتبعوا ماراح تندم.....
وهوا عبارة عن تلاتةأيام فقط!!! 
المهم
يقولك اليوم الأول:1- وجبة الفطور:تجيبي شرايح ديك رومي مع شوية مرتديللا مع شوية بصل ولبنة
وتحطيها في ساندويتش وتحطي فوقها ساندويتش تاني مكون من قشطة وعسل وجبنة البقرات التلاتة
وفوقهم مربى حسب الرغبة... معاهم كاسة عصير حليب بالموز... ويفضل شرب جك كامل
نقنقة بين الوجبات :ازا تحبي بطاطس مقلية مع صدور دجاج مقلية وازا تحبي كمان تضيفي لوحين شوكولاته جالاكسي من الكبير
وعصير بيبسي يفضل من حق الوجبات الحجم العائلي...
2- الغدا:كلي اي شي دسم لحوم ادامات مع ارزاز ومكرونة وبرجر وبطاطس مقلية اهم شي
وياريت ما تتصفى مزبوط عشان الزيت بيعطيها لمعة
وكمان عصير بيبسي بس دي المرة معاه كمان بنفس الحجم شاني وسفن اب
وجمبري مع استاكوزة مع شوية معجنات سمبوسك و بف وغيرها مما تشتهي نفسك
ولا تفكري تحرمي نفسك من اي شي متعي نفسك قدر المستطاع
نقنقة بعد الغدا:نفس الشي كتري من الحلويات وخاصة الشوكولاتات... مع علبة نوتيللا حجم كبير عدد 8 علب وازا تحبي اكتر براحتك يعني على حسب
ما تتسع معدتك
وبالعافية
3- العشا:هنا عاد دوري على راحتك على احسن 5 مطاعم عندكم واختاري من المينيو ما تطيب له نفسك
بعدها عدي على ماكدونالدرز وبعدها كودو وبعدها بيتزا هت واللي تبغي
ولمن ترجعي البيت لا تضيعي وقت ولا تمشي عشان لا تفقدي شهيتك
على طول اتجهي للمطبخ وعلى التلاجة سيدا
واللي تلاقيه في وجهك خديه...
وطبعا قبل النوم برضو نعمل نفس نقنقة الغدا + الفطور...وطبعا عشان ما تشعري بالجوع خلي جنبك دايما سبت فيه حلويات
وطبقي ده النظام لمدة أسبوع وأتحداكي ما تلاحظي النتيجة
وكمان لو تستمري لمدة شهر ماراح تصدقي النتيجة اللي راح تحصلي عليها وقولو Mi$s D!di قالتها...
صدقوني عشاني احبكم جيبتلكم ده الرجيم وترى ماراح تلاقوه ولا في اي محل واتحداكم هادا دكتور عامل تجارب ودراسة عليه
وحتى لسه ما نشر ابحاثو بس انا اكتشفتو وقلت لازم تجربوه...
وشوفو النتيجة....
![[ EMO..TOWN]](https://i.servimg.com/u/f40/12/50/25/15/emo4e10.jpg)
هع 
صراحة أشكالهم تخوف وتقرف)
