لا تهمني العادات والتقاليد

انا عارفه انو الموضوع اللي بتكلم فيه دحين مرررره جرئ

وهوا انو انا من رائيي انو العادات والتقاليد شي مو مهم في حياتنا.. او بالاصح في وقتنا

وليش...لانو كل واحد مننا لازم يبني شخصيتو بنفسو...ولازم يكون انسان واث ويبني لنفسو اسم جديد..

يعني لو فضلنا نقلد اباائنا وامهاتنا في تصرفاتهم عمرنا مراح نتطور لازم نسوي الاشياء اللي اتعلمناها لو انو الانبياء مشيو ورا التقاليد كان ماحد اسلم ولا احد مشي صح كان كل واحد اخدلو صنم وعبدو وقال ابويا كان يسوي كده وهدي عادات اهلي وقبيلتي..

لازم نطور من انفسنا عشان نرتقي احنا مو مشكله لو لدناهم لكن في الاشياء اللي راح تنفعنا..

هدا مجرد رايي انا ابغا اعرف انتو ايش راييكم بده الموضوع

:.

صح الانسان لازم يطور نفسوا ويطور حياتوا ويجعلها للافضل

لكن في عادات وتقاليد جميله ومو حلوه انو الانسان يسيبها

ومهي كل العادات والتقاليد سيئه

زي متلا تقليد وعاده في العائله كل خميس في الصباح نروح نفطر في بيت سيدو الكبير

وهادي عاده جميله ليش نسيبها فيها صلة رحم وترويح عن النفس يعني اتنين في واحد

^.^

ويا قلبو يا ايمو الانبياء صحيح انهم جاؤو بالاسلام والديانات وتركوا اديان ابائهم واجدادهم لكن هادا مو معناتوا تركوا عاداتهم اللي كانوا يعملوها مع اهلهم يعني العباده شي والعااادات شي تاني

وما دخلها في بعضها زي العيد ناس عاداتعم تعيد يوم وناس عاداتهم تعيد اربعه وكل ناس عاداتها غير

العاده حاجه تعمليها دايما وهادا كان مجرد رأيي

اتمنى ما اكون طولت

.:

:.

اذا انتي قصدك كدا فانا معاكي في اللي انتي بتقوليه

.: