ســــــؤآل مهــم..؟

:.
الايمو في الاغلب بين الناس ستايل في اللبس مو اكتر
ومو لازم يكون ستايلك ايمو 24\24 حتى ما تقلد الغرب والكفار
واوع اوع اوع اوع تجرح نفسك عشان تكون ايمو
بلاها من الايمو وكل شي يتعلق بيه اذا كان فيها انك تجرح نفسك وتموت نفسك وتغضب ربك عشان النااااااس
الكفار ما بتفرق معاهم لان حياتهم من اصلها نكد وضيقه بدون الصلاه يا لطيف وبعدهم عن ربنا

واغلب الايمو اسود والوان فسفوريه وعن نفسي وصديقاتي نحب الالوان الفسفوريه ونحب نكون سعيدات بدون نكد ولكن احنا مو ايمو
احنا احنا مسلمين زي ما ربنا خلقنا ما نربط نفسنا بواحد شي

وهذا كان مجرد رأيي
ان شاء الله ما اكون طولت وازعجتك
.:

:.

حرااام عليك تعمل كدا وتغضب ربك ونفسك قبل كل شي

صدقني هادا مو شي انك تعملوا وتحب انك تكون حياتك كلها فيه

وانا مع ميس ديدي في انو يكون ليك ستايل خاص وهادا اللي كنت اقلك هوه من اول بس جات بطريقه تانيه

والله ما رح يفيدك انك تكون ايمو طول حياتك

اتخيل انو ربنا يرزقك بزوجه الحلال وباطفال تتمنى انو يشوفوك اطفالك وفي يدك علامات تجريح وانتحار

ايش رح يكون نظرة ابنائك ليك

حتى لو ما قلتلهم اكيد رح يفهموا

وربنا ما يرضى بكدا

لو انت بتعمل كدا وما قدرت تداوي نفسك لمن رح تقابل ربك بعد عمر طويل ان شاء الله ايش رح تقول

تقول والله كنت ابغا اكون ايمو

لا تفكر في دحينه في الدنيا لان الدنيا كم يوم ونرحل عنها ونقابل ربنا ونتحاسب

وعلى فكره تجريحك لنفسك سبحان الله يسبب الكابه حتى لو كنت مبسوط

وجرب هادا الشي لو كنت مكتئب بس قوم اتوضى واسجد لربك واشتكي اشتكي اشتكي على كل شي وابكي

يمكن تحس انو كلامي غبي شويه وما عجبك بس صدقني انا جربت هادا الشي وما اتمنى في يوم اني اسيبوا

مين رح يقدر يحل مشاكلك غير ربك اللي موجود طوول الوقت بس ادعي وقول ياااارب وتلاقيه عندك

اسفه اذا طولت او كلامي زعلك فيي شي

بس انا مره زعلت انك عملت في نفسك كدا

.:

:.

والله فاهمتك يا قلبو انا كنت رح ادخل في هادي الحاله وابدا اجرح نفسي

لكن الحمدلله ربنا انقذني منها وعرفت ايش اعمل

دحينه قوليلي بابتك او مامتك مو يعصبوا واكيد يعصبوا كتير عشان الناس كل ما تكبر كل ما تعصب اكتر لكن بتشوفيهم يجرحوا نفسهوم

لا والله عمرهوم ما عملوها وانا اقلك هيه بدلا عن مامتك وبابتك

صدقيني يا ايمو يا قلبي انا مررررره وصلت معايه ع الاخر وما كنت اعرف ايش اعمل وخلاص مني شايفه حاجه في الدنيا من الضيقه

ومشكلتي اني ما اقدر اتكلم لاي شخص كان حتى لو مامتي او بابتي اواخواني ولا حتى صحباتي وكوولهوم اقدر أئتمنهم لكن سبحان الله طبيعه فيه ومهي كويسه

نرجع تاني

في هديك اللحظه دخلت ع الحمام الله يكرمك وبابكي من كل قلبي لكن مني قادره وافتكرت ربي والله ما ادري كيف جات ع بالي واتوضيت وخرجت ع غرفتي وصكيت الباب وفردت سجادتي ولبست شرشفي وبس قلت الله اكبر وسرت ابكي ابكي ابكي من كل كل قلبي

وسجدت لله جلست اكتر من ساعتين والله ما اكزب عليكي وبس ابكي واشتكي لربي على كل شي وارتحت راحه مو طبيعيه

لانو هادي الراحه جاتني من ربي مو مشرط مسكتوا ولا من جرح جرحتوا نفسي

وفي حديث دايما افتكروا يقول الله عز وجل فيه من تقرب إلي شبراً تقربتُ إليه ذراعاً , ومن تقرب إلي ذراعاً تقربت إليه باعً , ومن آتانى يمشى أتيته مهرولا ".

والله يا ايمو يا قلبي حاسه بيكي ولو ماكنت حاسه بيكي كان ما تعبت نفسي وقلتلك هادا الكلام كلو

بس صعب انك تشوفي انسان تحبيه وتعزيه وتشوفيه بيعمل الغلط قدام عينك وما تقدري تساعديه وانتي تعرفي هادا الشي

.: